VIDEO/Boksierit shqiptar i bëjnë hile, ringu kthehet në sherr rruge

Boksieri shqiptar, Senad Gashi ka sfiduar mbrëmjen e djeshme në ring gjermanin, Schwarz. Megjithatë, djaloshi nga Peja u skualifikua në mënyrë të padrejtë

Gashi goditi me kokë kundërshtarin në mënyrë të pavullnetshme në raundin e dytë, duke bërë që Schwarz të binte në tokë dhe të humbte kthjelltësinë.

Gashi ndëshkohet me dy pikë dhe sfida vijon sërish, por gjermanët këtu nisin nga dredhitë.

Boksieri Schwarz simulon në dy kontakte të tjera të lehta, duke bërë që në raundin e 4-t arbitrat të skualifikojnë boksierin shqiptar.

Kjo ka nervozuar Gashin dhe trajnerin e tij, që sulmojnë personalisht gjermanin, për të larë hesapet, pasi ishte mbyllur ndeshja. U desh ndërhyrja e forcave të sigurisë për të marrë nën kontroll situatën, që për pak degjeneroi në një sherr masiv.

Boksieri pejan regjistronte 16 fitore deri tani, të gjitha me Knock Out, teksa sot pësoi humbjen e parë, që duhet pranuar se ishte vërtetë e padrejtë, ndaj Gashi ka arsye të ndihet i vjedhur.

https://cf-e2.streamablevideo.com/video/mp4-mobile/o9d7x.mp4?token=1524392866-Yuj1YNGVwvxH2dDDS4iBh9fW%2F1vzru3rpFo7t3Rdqpw%3D