Përgjime të reja për vëllain e ministrit Fatmir Xhafaj

Pas publikimit të përgjimit që implikon vëllain e Fatmir Xhafajt, opozita deklaron se ka përgjime të tjera që dëahmojnë se Agron Xhafaj është i lidhur me trafikun e drogës.

Kjo të paktën është pohuar nga deputeti Enjelejd Alibeaj. Nuk dihet nëse PD do të publikojë edhe pjesët e tjera të video-përgjimit, por Prokuroria ka nisur hetimet lidhur me të.

Partia Demokratike ka deklaruar se video-përgjimi i publikuar ka qenë në dorën e prokurorisë një javë para se ai të publikohej për qytetarët. Ndërkohë dje Prokuroria mësohet se ka marrë pamjet filmike, ndërsa ka thirrur për të dëshmuar dy deputetët e PD-së, Enkelejd Alibeaj dhe Ervin salianji, si dhe ekspertin ligjor Gazmend Bardhi.

Në anën tjetër, Kryeministri Edi Rama ka marrë në mbrojtje ministrin e Brendshëm, ndërsa ka thënë se sipas një ekspertize që i është bërë videos ajo nuk është autentike. Rama nuk bëri të qartë se kush ka bërë ekspertizën